Betiko loa

Betiko loa
Datuak
Idazlea	Raymond Chandler (1939)
Argitaratze-data	1939
Generoa	Eleberria
Jatorrizko izenburua	The Big Sleep
Hizkuntza	ingelesa
Argitaletxea	Alfred A. Knopf (mul)
Herrialdea	AEB
Euskaraz
Izenburua	Betiko loa
Itzultzailea	Iñaki Ibañez
Argitaratze-data	1995
Bilduma	Sail beltza
Orrialdeak	294
ISBN	978-84-87484-21-6

Betiko loa (The Big Sleep) Raymond Chandlerek 1939an idatzitako eleberri beltza da. Protagonista Philip Marlowe detektibea da, Raymond Chandleren pertsonaiarik ezagunena.

Argumentuaren ezaugarri nagusia konplexutasuna da. Izan ere, badaude izaera biko pertsonaia asko, baita narrazioan zehar azaltzen diren sekretuak ere. Izenburua heriotzaren eufemismoa da, liburuan “betiko loa egiteari” buruzko hausnarketa agertzen baita.

Argumentua

Sternwood jeneralak Philip Marlowe kontratatzen du Geiger izeneko liburu-saltzaile bat xantaia egiten ari zaiolako bere alaba Carmeni buruz. Jeneralaren beste alabak uste du bere aitak detektibea kontratatu duela etxetik alde egindako senarra aurkitzeko. Geiger bere apartamentuan tirokatuta hil denean, Carmen biluzik eta drogaturik han dagoelarik, Philip Marlowek badaki bere ikerketak hasi baino ez du egin.

Pertsonaiak

Philip Marlowe: detektibea.
Sternwood jenerala: Marlowe kontratatzen du.
Carmen Sternwood : jeneralaren alaba txikia.
Vivian Regan: jeneralaren alaba nagusia.
Rusty Regan: Vivianen senarra. Etxetik alde egin omen zuen Eddie Marsen emaztearekin.
Bernie Ohls: Barrutiko fiskalaren laguntzailea. Marloweren adiskidea.
Arthur Gwynn Geiger: Liburu-saltzailea. Xantaia egiten dio jeneralari, Carmeni buruz.
Joe Brody: Carmenen maitale ohia. Xantaia egiten dio jeneralari.
Eddie Mars: kasino baten jabea. Txantaje-egilea.
Mona Mars: Eddie Marsen emaztea. Etxetik alde egin omen zuen Rusty Reganekin.

Zinema

1946an Howard Hawks estatubatuar zinema zuzendariak eleberri honetan oinarritutako The Big Sleep filma estreinatu zuen, bertan Humphrey Bogart eta Lauren Bacall aktoreak protagonista izan zirelarik.

Kanpo estekak

Datuak: Q1649862